ل ڕۆژا دووشه‌مبێ ڕێكه‌فتى (21/11/2022) شانده‌كێ زانكۆيێ ب نڤيساره‌كا فه‌رمى يا پ. د. عه‌بدولوه‌هاب خالد مووسا سه‌رۆكێ زانكۆيا نه‌ورۆز سه‌ره‌دانا زانكۆيا سۆران كر و ژماره‌يه‌كا باش يا شتلێن داروبارى ل گه‌ل خۆ بۆ كه‌مپوسا زانكۆيا سۆران برن. شاندێ ناڤبرى ب گه‌رمى ژ لايێ پ. هـ. د. شێروان شه‌ريف قورتاس سه‌رۆكێ زانكۆيا سۆران ڤه‌ هاته‌ پێشوازى كرن و به‌خته‌وه‌ريا خۆ ب ئه‌ڤى كارێ ژينگه‌هـ و ژياندۆستيێ دياركر.
ئارمانجا سه‌ره‌كيا ئه‌ڤى كارى گرنگيدان ب كه‌سكاتى و چاندن زێده‌تر يا كه‌مپوسا زانكۆيێ بوو، هه‌روه‌سا به‌لاڤكرنا هشيارى و پاراستنا ژينگه‌هێ ئارمانجه‌كا دى يا شاندێ زانكۆيا نه‌ورۆز بوو. ژ لايێ خۆ ڤه‌، سه‌رۆكێ زانكۆيا سۆران ده‌ستخۆشى ل ئه‌ڤێ پێنگاڤا ل جهێ خۆ و گرنگ كر و سوپاسنامه‌يه‌كا تايبه‌ت ب شاندێ زانكۆيێ نه‌ورۆز دا. ديسان، ته‌كه‌زى ل سه‌ر به‌ر ب پێشڤه‌برنا په‌يوه‌نديێن زانستى و ئه‌كاديمى ل گه‌ل زانكۆيا مه‌ كر.
هه‌ژيه‌ بێژين كو به‌رێز زياد عوبه‌يد ڕێڤه‌به‌رێ ته‌ندروستى و سه‌لامه‌تيا زانكۆيێ ڕێڤه‌به‌ريا شاندى دكر و شتلێن داروباران ژ جۆرێن "چنار، کاژ و لانگسترۆم" پێشكێشى زانكۆيا سۆران كرن.