ئەڤڕۆ رۆژا شەمبی ل رێکەڤتی 3ی چریا ئێکێ 2026 پشکا وەرگێڕانێ ل کۆلیژا زمانان یا زانکۆیا نەورۆز ب ئامادەبوونا هێژا سەرۆكێ زانكۆيێ پ. ھ. د. مێڤان عارف عەبدولرەحمان، و پ.د. هوگر تاهر تەوفیق هاریکارێ سەرۆکێ زانکۆیێ بۆ کاروبارێن کارگێڕی و قوتابیان و پ.د. ئەمین عەبدولقادر عومەر راگرێ کۆلیژا زمانان و سەرۆکێ پشکا وەرگێڕانێ ب وەکالەت و هژمارەکا رەوشەنبیر و زمانڤان قوتابی و مامۆستایان سەمپۆزیۆمەک ل ژێر ناڤونیشانێ: "وەرگێڕانا کوردی ل سەردەمێ دیجیتالی: ژیرییا دەستکرد،داهێنان و ئاسۆیێن نوی" گێڕا. پەنەلیستێن سەمپۆزیۆمێ پێکهاتبوون ژ:
- پ.هـ.د. شیڤان شلیمون تۆما ژ زانکۆیا دهۆک، کۆلیژا پەروەردەیێ کۆ ل سەر مژارا "وەرگێڕان و ژیریا دەستکرد: ئاستەنگ و دەرفەت"؛
- د. لەزگینێ چالی ژ ئەکادیمیا کوردی مژارا وی ب ناڤێ "زمانێ کوردی و هەڤڕکیا هەبوونێ ل سەردەمێ دیجیتالی و ژیریا دەستکرد"؛ و - د. محەمەد سەیفەددین ژ زانکۆیا موسل ب بابەتەکی ل ژێر ناڤونیشانێ "ل سەردەمێ ژیریا دەستکرد: پێدڤیاتی، شیان و ئاستەنگێن پیشەیی یێن وەرگێڕانا زارەکی"
پەنالیستان جەخت ل سەر هندێ کر کۆ ئەڤڕۆ ئەم ل سەردەمەکێ گەلەک تایبەت دا دژین. پێشکەڤتنا تەکنۆلۆژیایێ و شیانێن ژیریا دەستکرد د هەمی بیاڤێن ژیانێ دا دەرفەتێن باشن وەرگێڕێ سەردەم کوالتیا وەرگێڕانا خۆ و هژمارا کارێن خۆ د دەمەکێ گونجای و نە درێژ دا پتر لێ بکەت. پەنەلیستان دووپات کر کۆ وەرگێڕان کار و پیشەیەکێ گرنگە بۆ ڤەگوهاستنا کەلتوور، زانست و زانیاریان د ناڤبەرا ملەتان دا.دیسان ل سەر هندێ د هەڤڕا بوون کۆ ژیرییا دەستکرد د دەرفەتە بۆ زمانێ کوردی یێ کۆ هەژار د کەرەستەیێن دیجیتاڵی دا و دەولەمەند د شێوەزاران دا پتر خزمەتێ بۆ بکەین و داتایێن کوردی د ناڤ توورا ئنتەرنێتێ دا زێدە بکەین، ب ئەڤێ یەکێ کوالتیا وەرگێڕانا زمانێ کوردی ژ لایێ ژیریا دەستکرد ڤە دێ باشتر لێ هێت و دێ ئاسانکاریێن پتر بۆ وەرگێڕان ژی پەیدا بن.
ژبلی هوورگولیێن زمانەڤانی و مژارێن ژیریا دەستکرد و وەرگێڕانێ، ئەڤ سەمپۆسیۆما دەربارەی وەرگێڕانا کوردی ب ئاوایەکێ ڕاستەوخۆ یا گرێدای بوو ب بزاڤێن جیهانی ڤە بۆ ئارمانجێن پەرەپێدانا بەردەوامSustainable Development Goals، دیار ترین ئارمانجێن سەمپۆزیۆمێ بجههیناین ئەڤەنە:
• فێرکرنا ب کوالێتی Quality Education(ئارمانجا 4): ب ڕێکا گەشەپێدانا ئامرازێن وەرگێڕانێ یێن پێشکەفتی ب ژیرییا دەستکرد بۆ زمانێ کوردی، ئەم زانست و زانیارییان دکەینە دەستکەڤت بۆ هەمیان - ب ئاوایەکی کۆ لۆژیکا زانستی، پەرتووکێن دیجیتاڵی یێن خواندنێ، و کەرەستەیێن پەروەردەیی بۆ ب سەدان ئاخڤێەرێن زمانێ کوردی بەردەست ببن.
• کێمکرنا نەیەکسانییان Reduce Inequalities(ئارمانجا 10): وەرگێڕان وەک یەکسانکەرەکیکار دکەت. مسۆگەرکرنا گەشەکرنا زمانێ کوردی د گۆڕەپانا دیجیتاڵی دا زامنا هندێ دکەت کۆجڤاکێ مە یێ کوردی ئاخێڤ د شۆڕەشا تەکنۆلۆجییا جیهانی دا پاشکەفتی نەمینیت.
• باژێرێن بەردەوام و پاراستنا کەلتووری Sustainable Cities & Cultural Safeguarding (ئارمانجا 11): وەرگێڕان و دیجیتاڵکرنا ئەدەبیات، دیرۆکا دەڤۆکی، و پاشماوەیێ مە یێ کەلتووری ب رێکا بکارهینانا ژیرییا دەستکرد ئاریشەیێن ناسنامە و بیردانکا کۆمی Collective Memory یا کوردی بۆ نەڤیێن داهاتی دپارێزیت.
ل دووماهیێ تەکۆز ل سەر هندێ هاتە کرن کۆ قوتابیێن پشکا وەرگێڕانێ و وەرگێڕێن مە یێن کورد د ئەڤرۆ دا: ژ ژیرییا دەستکرد نەترسن - کۆنترۆلا وێ بکەن. ژیریا دەستکرد جهێ وان ناگریت، بەلێ پێدڤییە ئەو ژیریا دەستکرد بێخنە د خزمەتا خۆ دا.
