د چارچووڤێ پشکداریا مامۆستایێن زانکۆیا نەورۆز د خزمەتکرنا جڤاکی و ڤەگۆهاستنا شارەزایێن ئەکادیمی و پیشەیی بۆ دامەزراوەیێن جودا جودا، بەرێز هەڤاڵ بەنگین، مامۆستایێ زانکۆیا نەورۆز، خولەکا ڕاهێنانێ ل دۆر بکارئینانا زیرەکییا دەستکرد د بوارێ ژمێریاری و وردبینیێ دا پێشکێش کر. ئەڤ خولە ژ لایێ سەندیکاییا ژمێریاران و وردبینان ل دهۆکێ بۆ ئەندامێن وێ ل قەزایا ئاکرێ هاتبوو ڕێکخستن، ب پشکداریا پتر ژ ٥٠ کەسان.
خول ڕۆژا پێنجشەمبی، ٣ی ئیلۆنا ٢٠٢٦، ب ئامادەبوونا بەرێز ئەحمەد محەمەد، سەرۆکێ سەندیکاییا ژمێریاران و وردبینان ل دهۆکێ ب دوماهی هات. د پەیڤەکێ دا، ناڤهاتی ئاماژە ب گرنگیا پێشخستنا شیانێن پیشەیی یێن ژمێریاران و وردبینان و گونجاندنێ ل گەل پێشکەفتنێن تەکنۆلۆژی یێن سەردەم کر، ب ڕەنگەکی کو ببیتە ئەگەرێ لەزکرنا کاری و باشترکرنا ئەدایێ.
د دەمێ خولێ دا، بەرێز هەڤاڵ بەنگین چەندین بکارئینانێن پراکتیکی یێن ئامرازێن زیرەکییا دەستکرد د کارێن ڕۆژانە یێن گرێدای ژمێریاری و وردبینیێ دا دانە دیارکرن، و چەندین بەرنامە و پێنگاڤێن پراکتیکی پێشکێشی پشکداران کرن بۆ مفاوەرگرتن ژ ڤان ئامرازان د بوارێ کارێ وان دا.
ل دوماهیا خولێ، پشکداران سوپاسیا خۆ بۆ ڕێکخستنا خولێ و ناڤەڕۆک و شێوازێ پێشکێشکرنا وێ دەربڕی. پاشان باوەرنامەیێن پشکداریکردنێ ب ئامادەبوونا سەرۆکێ سەندیکایێ، پێشکێشکارێ خولێ، و ب پشکداریا هەردوو ڕێڤەبەرێن گەنجینە و باجا دەرامەتی ل ئاکرێ هاتنە بەلاڤکرن.
