پشکا ئەندازیاریا تەلارسازیێ ل زانکۆیا نەورۆز، ئەڤرۆ رۆژا ١٧ی گولانا ٢٠٢٦ێ، بەردەوامی دا گەرا سێیێ یا پێشکێشکرنا پرۆژەیێن دەرچوونێ یێن قوتابیێن قووناغا دوماهیێ. روینشتنێن ئەڤرۆ هاتنە هەلسەنگاندن ب ئامادەبوونا دو مێهڤانێن هێژا، د. رەنا فەتحی فەرحان، سەرۆکا پشکا ئەندازیاریا تەلارسازیێ ل زانکۆیا دهۆك، و مامۆستا نارام مرقس عیسى، مامۆستایێ بابەتێ دیزاینا ناڤخۆیی (Interior Design) د هەمان پشك دا، کو پشکدارى ل گەل لیژنەیا هەلسەنگاندنێ و مامۆستایێن زانکۆیا نەورۆز کر بۆ نرخاندنا مودێل و نەخشەسازیێن ئەندازیاری یێن قوتابیان. ئەڤ پشکداریا ئەکادیمیا هەڤپشك بوو ئەگەرێ دەولەمەندکرنا بابەتان ب دیتن و تێبینیێن زانستی یێن بهێز، و د هەمان دەم دا پێنگاڤەك بوو بۆ پتر لێكنێزیکبوونا ئەکادیمی د ناڤبەرا هەردو زانکۆیان دا. دێ پڕۆسەیا پێشکێشکرنێ سوبە ب دوماهی هێت ب نرخاندنا کۆما دوماهیێ یا قوتابیان.
