پشکا ئەندازیاریا تەلارسازیێ ل زانکۆیا نەورۆز، ئەڤرۆ رۆژا ١٦ی گولانا ٢٠٢٦ێ، بەردەوامی دا گەرا دووێ یا پێشکێشکرنا پرۆژەیێن دەرچوونێ یێن قوتابیێن قووناغا دوماهیێ. گەنگەشەیێن ئەڤرۆ هاتنە هەلسەنگاندن ب ئامادەبوونا سەرۆکێ زانکۆیێ، پ. هـ. د. مێهڤان عارف عەبدولرەحمان، دگەل هاریکارێ سەرۆکێ زانکۆیێ بۆ کاروبارێن زانستی، پ. د. موئەیەد ئاغالی میرزا، و هاریکارێ سەرۆکێ زانکۆیێ بۆ کاروبارێن کارگێری، دارایی و قوتابییان، پ. د. هۆگر تاهر تەوفیق، کۆ ژ نێزیك تەماشەی چەندین پێشکێشکرن و مودێلێن ئەندازیاری یێن قوتابیان کرن. د هەمان دەم دا، لیژنەیا هەلسەنگاندنێ کو ژ راگرێ کۆلێژا ئەندازیاریێ پ. د. عەلی حەیدەر سەعەد و مامۆستایێن پشکێ پێکهاتبوو، بەردەوام بوون د نرخاندن و گەنگەشەکرنا داهێنان و هزرێن ئەندازیاری یێن قوتابیان دا. دهێتە چاڤەرێکرن کو ئەڤ پڕۆسەیە بۆ دو رۆژێن بهێت ژی بەردەوام بیت بۆ پشکێن مای داکو سەرجەم قوتابی پرۆژەیێن خۆ پێشکێش بکەن.
