پشتی ب دووماهیک هاتنا خولا "نڤیسینا ئەکادیمی یا زمانێ کوردی ـ ئاستێ پێشکەڤتی" ئەوا ژ رێکەڤتی ۲ هەتا ۲٦ ی تەباخا ۲٠۲٦ ڤەکێشای ئەڤرۆ رۆژا چارشەمبی رێکەڤتی ۲ ی ئەیلوولا ۲٠۲٦ ب بەرهەڤبوونا رێزداران پرۆفیسۆر دکتۆر هوگر تاهر تەوفیق هاریکارێ سەرۆکێ زانکۆیا نەورۆز بۆ کاروبارێن کارگێری و دارایی و پرۆفیسۆر دکتۆر ئەمین عەبدولقادر راگرێ کۆلیژا زمانان و راهێنەرێ خولێ باوەرنامە ب پشکدار و راهێنەرێن خولێ هاتنە دان.
هەژی گۆتنێ یە حەفتیانە دوو رۆژ بۆ راهێنانان هاتبوونە تەرخانکرن. خولێ هەردوو لایەنێن تیۆری و پراکتیکی ب خۆ ڤە گرتبوون، لێ پتر راهێنان ل سەر ئالیێ پراکتیکیێ نڤیسینا ئەکادیمی دهاتنە کرن. لەوما ل گۆرەی دیتن و فیدباکێ پشکداران، ئەوان مفایەکێ باش ژ خولێ وەرگرت. ئەو نوکە ب باوەری ب خۆ بوون دشێن گۆتار و پەرەگرافان ب شێوازەکێ ئەکادیمی ب زمانێ کوردی بنڤیسن. دیسان پشکداران دەستخۆشی ل کۆلیژا زمانان و زانکۆیا نەورۆز کر ژبۆ گرنگیدان ب خولێن ب ئەڤی ئاوایی.
