ب ئامادەبوونا سەرۆکێ زانکۆیێ پ. هـ. د. مێڤان عارف عەبدولرەحمان و هاریکارێ سەرۆکێ زانکۆیێ پ. د. هۆگر تاهر تەوفیق، راگرێ کۆلیژا یاسا و زانستێن سیاسى، رێڤەبەرێ بەرهنگاربوونا توندوتیژیا دژى ئافرەت و خێزانێ ل دهۆکێ، داواکارێ گشتى ل دادگەها تێهەلچوونا دهۆکێ، چەندین ئەفسەرێن سەر ب رێڤەبەریا پۆلیسێن پارێزگەها دهۆکێ ڤە و نڤیسینگەها نەهێلانا تاوانێن رێکخستى، رۆژا ئێکێ ژ خۆلا پێگەهاندنا ئەفسەرێن پۆلیسان ل دۆر ڤەکۆلینا د کەیسێن توندوتیژیا خێزانى دا دەستپێکر. دادوەرێ خانەنشین محەمەد ئەمین شەرەفانى سەرۆکێ بەرێ یێ دادگەها تێهەلچوونا ناوچەیا دهۆکێ ل دۆر "پێرابوونێن ڤەکۆلینێ د چارچووڤەیێ کەسى و توندوتیژیا خێزانى دا" ب تێر و تەسەلی ئاخفت.
خۆلا ناڤبرى، ژ لایێ کۆلیژا یاسا و زانستێن سیاسى، رێڤەبەریا نەهێلانا توندوتیژیا دژى ئافرەت و خێزانێ ب هەماهەنگى ل گەل رێکخراوا ئاسا بۆ پەرەپێدانا یاسایێ و جڤاکى هاتیە ڤەکرن و دێ بۆ دەمێ حەفتیەکێ بەردەوام بیت.
