هاریکارێ سەرۆکێ زانکۆیا نەورۆز بۆ کاروبارێن زانستی وەک تاقیکەر د ئەزموونێن جڤاتا بلندا پسپۆریێن پزیشکی دا پشکدار بوو

 پروفیسۆرێ نەخۆشیێن ڤەگر و هاریکارێ سەرۆکێ زانکۆیا نەورۆز بۆ کاروبارێن زانستی و خواندنا بلند، پ. د. موئەیەد ئەغالی میرزا، وەک تاقیکەر د ئەزموونێن جڤاتا بلندا پسپۆریێن پزیشکی ل هەرێما کوردستانێ، د پسپۆریا نەخۆشیێن خوینێ یێن کلینیکی دا پشکدار بوو، کو ل رۆژا پێنجشەمبی رێکەفتی ٢٥ێ حوزەیرانا ٢٠٢٦ێ ل نەخۆشخانەیا نانەکەلی یا فێرکاری هاتە ئەنجامدان.

ئەڤ پشکدارییە د چوارچووڤەیێ رۆلێ بەردەوام یێ دکتۆر موئەیەدی دا دهێت بۆ پشتەڤانیکرنا بەرنامەیێن خواندنا بلند و فێرکرنا پزیشکی، ب رێکا پشکداریکرنێ د هەلسەنگاندنا وان پزیشکێن کو پێشکێشی وەرگرتنا بڕوانامەیا بسپۆری کرین، داکو پیڤەرێن کوالێتی و سەرکەفتنێ د فێرکرن و مەشقێن پزیشکی یێن بسپۆر دا ل هەرێما کوردستانێ بهێنە بهێزکرن.

هەروەسا ئەڤ پشکدارییە نیشانا گرنگیدانا زانینگەها نەورۆزە بۆ پشکداریکرنا کارا د گەشەپێدانا کەرتێ ئەکادیمی و پزیشکی دا، ب رێکا پشکداریا کادرێن وێ یێن زانستی د لیژنە و دەستەیێن زانستی یێن بسپۆر دا، کو ئەڤە ژی رۆلێ زانینگەهێ د خزمەتکرنا جڤاکی و پشتەڤانیکرنا خواندنا بلند دا دیار دکەت.