پەیام

زانکۆیا نەورۆز پێگیرە ب پێشکێشکرنا خواندنێ ب کوالێتیەکا بلند کو قوتابیان ب زانیاری و کارامەیی و شیانێن پێدڤی بۆ سەرکەفتنا ئەکادیمی، پیشەیی و کەسایەتی به‌رهه‌ڤ بكه‌ت. زانکۆ هەول ددەت ژینگەکا فێربوونێ ئاماده‌ بکەت کو قوتابی تەوەرێ سەرەکی بیت، و پشته‌ڤانيا قوتابيان بۆ ده‌يڤچوونێ ل دویڤ راستیان، داهێنانان، فێربوونا بەردەوام، و رێزگرتنێ ل جوداهی و بهایێن مرۆڤایەتی دكه‌ت.

زانکۆ کار دکەت بۆ پشتەڤانیکردنا ڤەکۆلینێن زانستی و چالاکیێن ئەکادیمی یێن کو پشکداریێ د پێشئێخستنا زانينێ دا دکەن و چارەسەریا ئالنگاریێن جڤاکی دکەن. ب رێکا ڤەکۆلینان، هەماهەنگیا جڤاکی و هەڤکاریا پیشەیی، زانکۆیا نەورۆز بزاڤێ دكه‌ت كو پشتەڤانیا گەشەپێدانا جڤاکی و ئابووری بکەت.

زانکۆیا نەورۆز یا رژدە ل سەر پاراستنا کوالێتیا ئەکادیمی و نایاببوونا دەزگەهیی ب رێکا باشترکرنا بەردەوام و بکارئینانا ستانداردێن جیهانی، ژ وان ژی بنەمایێن "پرۆسەیا بۆلۆنیا". هەروەسا زانکۆ هەول ددەت هەڤپشکیێن خۆ یێن نشتیمانی و ناڤدەولەتی ب هێز بکەت، داکو لێكگوهۆرينا ئەکادیمی، هەڤکاریا زانستی و لێکتێگەهشتن په‌يدا ببيت.