ئەز دکتۆر بەیرەم داود ئەحمەد، سەرۆکێ پشکا فیزیۆتەراپیێ مە ل کۆلێژا زانست ل زانکۆیا نەورۆز، باژێرێ دهۆکێ، عیراق. ئەز نوژدارێ پێشەیی مە و هەلگرێ باوەرناما بەکالۆریۆسێ مە د پزیشکی و نەشتەرگەرییا گشتی دا (M.B.Ch.B)، و یێ بسپۆرم د زانستێ زیندەوەرێن هویر دا (مایکرۆبایۆلۆجی/ پەرەسایتۆلۆجیا پزیشکی). شارەزایەکا باش د بوارێن سلامەتی و ئاسایشا بایۆلۆجی، رێکارێن کۆنترۆڵکرنا هەوکرنێ (Infection control)، ئامیرێن تاقیگەهێ، و ڕێڤەبرنا پاشمایێن پزیشکی دا هەیە. دەستکەفتێ من یێ سەرەکی کارکرن بوو ل سەر دەستنیشانکرنا جۆرێن جیناتی یێن پەرەسایتێ (Echinococcus granulosus) د دەمێ خواندنا من یا دکتۆرایێ دا ل وڵاتێ چینێ. ئامیرێن تاقیگەهێ، رەوشتێن پزیشکی، بەرگریناسی (Immunology) و پەرەسایتۆلۆجی بابەتێن من یێن دڵخوازن. حەفت سالێن ئەزموونا وانەگۆتنا ئەکادیمی ل زانکۆیا دهۆک هەنە و دوو سال ژی ل زانکۆیا نەورۆز، کو تێدا وانەیێن ئامیرێن تاقیگەهێ، رەوشتێن پزیشکی، سلامەتی و ئاسایشا بایۆلۆجی، زانستێ غودەیان (Endocrinology) و پەرەسایتۆلۆجی گۆتینە. ١٢ ڤەکۆلینێن من یێن بەلاڤکری هەنە و ئێک ژی ل ژێر بەلاڤکرنێ دایە. ئەز ئەندامەکێ چالاکێ جڤاکێ ئەکادیمیمە ب رێکا کارێ خۆ ل زانکۆیا نەورۆز وەک سەرۆکێ پشکا فیزیۆتەراپیێ و مامۆستایێ زانکۆیێ.