ئەز دەرچووا پشكا بايۆلۆجى (زانستێن ژيانێ) مە و نوكە وەك هاریكارا مامۆستای و ڤەكۆلینێ ل كۆليژێن زانستێن پزيشكى و ساخلەمیێ ل زانكۆيا نەورۆز كار دكەم. من دەست ب كاریێ خۆ ئه‌كاديمى ل زانكۆيێ ل رۆژا 1 حوزەیرانا 2025ێ كر ب پێگەیڕابوونەكا ب هێز بۆ سەركەفتنا ئەكادیمی، ڤەكۆلینا زانستی، و ئاڤاكرنا تەخەكا نوی یا پسپۆرێن ساخلەمیێ.

زێدەباری بەرپرسیاریەتیێن من یێن فێركرنێ و ڤەكۆلینێ، ئەز وەك ئەنداما خالا پەیوەندیێ (Focal Point) دگەل تیما تەكنۆلۆجیا زانیاریان (IT) یا زانكۆیێ كار دكەم، و نوێنەرایەتیا هەردوو پشكێن شيكاريا نەخۆشيا (Medical Laboratory Science) و چارەسەریا سروشتی (Physiotherapy) دكەم. ئەڤ بەرپرسیاریەتیە پشتەڤانیكرنا پەیوەندی و هەماهەنگیێ د ناڤبەرا پشكێن ئەكادیمی و تیما IT دا ب خۆڤە دگریت، بۆ ئاسانكرنا بكارهێنانا كاریگەر یا ژێدەرێن تەكنۆلۆجی، و پشكداريكرن د باشتركرنا خزمەتگوزاریێن دجیتاڵی و پرۆسەیێن كارگێڕی د ناڤ زانكۆیێ دا.

پاشخانا من يا ئەكادیمی د بایۆلۆجیێ دا بنەغەیەكا ب هێز د زانستێن بیۆلۆجی، تەكتینێن (تاقیگەهی)، مایكرۆبایۆلۆجی، و بنەمایێن زانستی یێن تەندروستی و نەخۆشیێن مرۆڤی دا بۆ من دابین كریە. ب رێكا رۆلێ خۆ ل زانكۆیێ، ئەز پشدكاریێ د چالاكیێن فێركرنێ، وانەیێن تاقیگەهی، و گەشەپێدانا ئەكادیمی یا قوتابیان د بەرنامەیێن زانستێن پزيشكى و ساخلەمیێ دا دكەم. ئارمانجا من دروستكرنا ژینگەهەكا فێركرنێ يا پشتەڤان و هاندەرە كو قوتابیان هان بدەت بۆ گەشەپێدانا هزركرنا رەخنەگرانە، مهاراتێن پرۆسەیی یێن تاقیگەهی، حەزا زانستی، و تێگەهشتنەكا كويرتر بۆ چەمكێن بیۆلۆجی.

ێده‌باری ڤێ چه‌ندێ، ئه‌ز به‌رپرسم ژ سه‌رپه‌رشتيكرن و ئاراسته‌كرنا قوتابيان ل ده‌مێ ڕاهێنانا وان يا نه‌خۆشخانێ (مه‌شقێ ڕاهێنانێ)، دا كو هاريكاريا وان بكه م بۆ بجهئينانا پێزانينێن وان ئه‌كاديمى ل ژينگه‌هێن ڕاسته‌قينه‌ يێن تاقيگه هێن كلينيكى. ئه‌ز پشته‌ڤانيا فێربوونا وان يا پرۆڤه‌يى (پڕاكتيكى) دكه‌م، چاڤدێريا پێشڤه‌چوونا وان دكه‌م، و رێكخۆشكه‌ر و ڕێبه‌رم بۆ وان دا كو شيانێن خۆ يێن لایەنێ پيشه‌يى و تاقيگه هى و ره‌فتارێن دروست يێن شوێنا كارى بپێش بێخن.

هه‌روسا, من یێن فێركرنێ، گرنگیێ ب ڤەكۆلینا زانستی و بجهئینانا پرۆسەیی یا زانیاریێن بیۆلۆجی د زانستێن تاقیگەهێن پزيشكى دا ددەم. باوەڕیا من ئەوە كو ڤەكۆلین رۆلەكێ بنەڕەتی د پێشئێخستنا تێگەهشتنا زانستی، باشتركرنا كرارێن تاقیگەهی، و پشتەڤانیكرنا ساخلەمیا ئاڤاكرى ل سەر بەڵگەیان دا دگێڕیت. ئەز یا پێگەیڕاوم ب بەردەوامی بەرفراوانكرنا زانیاریێن خۆ، باشتركرنا مهاراتێن خۆ یێن پیشەیی، و دووڤچوونا پێشكەفتنان د زانستێن بیۆلۆجی و زانستێن پزيشكى یێن پەیوەندیدار دا.

وەك ئەندامەکا كادرێ ئەكادیمی، ئەز رێزێ ل پیشەییبوون، كارێ ب کۆم، دروستی، و فێركرنا بەردەوام یا تەواویا ژیانێ دگرم. بزاڤێ دكەم پشتەڤانیا قوتابی و هەڤالان ب رێكا پەیوەندیكرنا كاریگەر، كرارێن تاقیگەهی یێن بەرپرسیارانە، و تەرخانكرنا خۆ بۆ پەروەردا ب كوالیتیا بليند بكەم. ئارمانجا من يا دەمدرێژ ئەوە كو زێدەتر گەشێ ب شارەزایا خۆ د زانستێن بیۆلۆجی و تاقیگەهێن پزيشكى دا بدم، پشكداريێ د ڤەكۆلینێن زانستی یێن بمفا دا بكەم، و رۆلەكێ چالاك د باشتركرنا كوالیتیا خوێندنا زانكۆیێ و كرارێن زانستی دا بگێڕم.