ل رۆژا ئێکشەمبێ رێکەفتى (24/5/2026) ل دەمژمێر (10:00) سپێدێ، ب ئامادەبوونا هاریکارێن سەرۆکێ زانکۆیێ پ. د. موئەیەد ئەغالى میرزا و پ. د. هۆگر تاهر تەوفیق، و راگرێ کۆلیژا زمانان پ. د. ئەمین عەبدولقادر عومەر و سەرۆکێ دامەزراوەیا کەریمێ عەلەکە م. شاخەوان سەدیق، ئێکەمین دیدارا ئەدەبیاتا کلاسیکیا کوردى ل ژێر دروشمێ "نالى مێهڤانێ خانى یە ل دهۆکێ" ب ئامادەبوونا مامۆستا، قوتابى، نڤیسەر و دەزگەهێن راگەهاندنێ هاتە گێران.
دیدارا ناڤبرى ژ دو روونشتنان پێکدهات و د هەر روونشتنەکێ دا سێ مژارێن گرنگ ل دۆر ئەدەبیاتا کلاسیکیا کوردى "کورمانجى و سۆرانى" ژ لایێ ڤەکۆلەران ڤە ب هویرى هاتنە بەحسکرن.
