خۆلهكا راهێنان و پێداگوجيێ بۆ مامۆستايێن زانكۆيا نهورۆز هاته ڤهكرن
ل رۆژا شهمبيێ رێكهفتى (5/9/2026) ل دهمژمێر (10:00) سپێدێ، ب ئامادهبوونا سهرۆكێ زانكۆيێ پ. هـ. د. مێڤان عارف عهبدولرهحمان، پ. د. موئهيهد ئهغالى ميرزا، پ. د. هۆگر تاهر تهوفيق و راگرێن كۆليژان، رێڤهبهريا سهنتهرێ ههلسهنگاندن و دڵنيا جۆرى، ب سهرپهرشتيا مامۆستا موئهيهد محهمهد عهبدولقادر، خۆلهكا راهێنان و پێداگۆجيێ بۆ مامۆستايێن زانكۆيێ بۆ سالا نوو يا خواندنێ (2026-2027) ڤهكر.
د پهيڤهكێ دا، سهرۆكێ زانكۆيێ پيرۆزباهيا سالا نوو ل مامۆستايان كر، ههروهسا ئاماژه دا ب گرنگى و پێدڤيياتيا ڤهكرنا خۆلا ناڤبرى ژ لايێ رێڤهبهريێ ڤه. ژ لايهكێ دى ڤه، جهختى ل سهر پێشئێخستنا ئاستێ زانينێ و پێشكێشكرنا وانهيان ل سهر شێواز و رێكێن سهردهميانه هاتهكرن.
ژ لايێ خۆ ڤه، رێڤهبهرێ سهنتهرێ ههلسهنگاندن و دلنيا جۆرى، ب هوورى كارنامهيا خۆلێ بۆ ئامادهبوويان شرۆڤه كر.
خۆلا ناڤبرى، دێ بۆ دهمێ پتر ژ (10) رۆژان ب پشكداريا مامۆستا و كهسايهتيێن پسپۆر ل دۆر مژارێن گرنگ يێن پێداگوجيێ بهردهوام بيت.