پشکدارێن کورسێ بەرهەڤکاریێ یێ IELTS ئەزموونا تاقیکاری ل زانکۆیا نەورۆز ئەنجامدان

پشکدارێن کورسێ بەرهەڤکاریێ یێ IELTS، رۆژا دووشەمبی 31ێ تەباخا 2026ێ، ئەزموونا تاقیکاری یا ئایێلتس (IELTS Mock Exam) ل ناڤەندا تۆمارکرنا IELTS ل زانکۆیا نەورۆز ئەنجامدان، وەک پشکەک ژ پرۆگراما راهێنانێ یا کۆرسی.

ئەڤێ ئەزموونێ دەلیڤە دا پشکداران کو ل بن رەوشێن نێزیکی ئەزموونا راستەقینە یا IELTS بن، ئاستێ خۆ یێ نوکە بنرخینن و وان لایەنان دیار بکەن یێن پێدڤی ب پتر پێشڤەبرنێ هەین، دا کو ب شێوەیەکێ باشتر خۆ بۆ ئەزموونا فەرمی یا IELTS بەرهەڤ بکەن.

جهێ ئاماژەپێکرنێ یە کو ل زانکۆیا نەورۆز ناڤەندەکا تۆمارکرنا IELTS هەیە، کو خزمەتگوزاریێن تۆمارکرن و رێنمایێ پێشکێشی وان کەسان دکەت یێن دڤێت پشکداریا ئەزموونێ بکەن، ل گەل چالاکی و کورسێن کو هاریکاریا بەرهەڤکرنا پشکداران بۆ ئەزموونێ دکەن.