زانکۆیا نەورۆز شەشەمین کۆنفرانسێ ناڤدەولەتیێ زانستێن مرۆڤایەتى راگەهاند، ب ناڤونیشانێ "سنۆرێن کوردستانێ و ویلایەتێن وێ یێن دیرۆکى: ئاڤاكرن، نه‌خشه‌كێشان، و گوهۆرينێن جيۆپۆليتيك "

کۆنفرانس دێ ل رێکەفتى 17-18ێ نیسانا 2027ێ هێتە گێران

کۆنفرانس دێ سنۆرێن سیاسی، جوگرافی و دیرۆکى یێن کوردستانێ و ویلایەتێن وێ ڤه‌كۆليت، ل گەل گوهۆرینێن کو ب درێژاهیا سەردەمێن دیرۆکى ب سەر دا هاتینە. هه‌روه‌سا دێ گرنگيه‌كا باشتر ب کاریگەريا پەیماننامە، رێکەفتنان و سیاسەتێن هەرێمی و ناڤدەولەتى هێتەدان، ب ئارمانجا سه‌ر ژ نوى وێنەکرنا سنۆران ل دەڤەرێ و رەنگڤەدانێن وان ل سەر ڕەوشا سیاسی، جڤاکی و ناسنامەیا کوردی.

کۆنفرانس پێشوازییێ ل پشکدارێن زانستی ل سەر چار تەوەرێن سەرەکی دکەت: دیرۆکى و جوگرافی؛ یاسایی؛ سیاسی؛ و جڤاکی و ناسنامەیا کوردی، د دابینکرنا زەمینەیەکا بەرفرەهـ بۆ ڤەکۆلینا سنۆرێن کوردستانێ، ویلایەتێن وێ یێن دیرۆکى و گوهۆرینێن وان یێن جیۆپۆلۆتیک دا. 

زانکۆیا نەورۆز داخوازێ ژ ڤەکۆلەر و ئەکادیمیان دکەت کو ڤەکۆلینان ب زمانێن کوردی، عەرەبی، ئینگلیزی، تورکی یان فارسی پێشکێش بکەن. پێدڤیە کورتەیا ڤەکۆلینێ ژ 500 پەیڤان دەرباز نەبیت و پێنچ پەیڤێن سەرەکی (کلیل) تێدا هەبن. هەروسا ڤەکۆلینا تەمام ژ 10,000 پەیڤان نەبووریت و رێبازا هارڤارد بۆ ژێدەران بهێته‌ په‌يره‌وكرن.

ژڤانێن گرنگ

• 20 چریا ئێکێ 2026: ژڤانێ دووماهیێ یێ هنارتنا کورتەیا ڤەکۆلینێ یە. 
• 5 چریا دوویێ 2026ێ: ئاگەهدارکرن ل سەر پەسەندکرن یان رەتکرنا کورتەیا ڤەکۆلینێ. 
• 15 کانوونا دویێ 2027: ژڤانێ دووماهیێ یێ هنارتنا ڤەکۆلینێ ب تەمامى. 
• 1 ئادارا 2027: ئاگەهدارکرن ل سەر پەسندکرن یان رەتکرنا ڤەکۆلینێ ب تەمامى.
• 17-18 نیسانا 2027: رێکەفتێن کۆنفرانسى

کۆنفرانس دێ مەزاختیێن ئاکنجیبوونێ (ڤەحەواندنێ) بۆ پشکدارێن ڤەکۆلینێن وان هاتینە پەسەندکرن دابین کەت، بەلێ پشکدار ژ مەزاختیێن گەشت و هاتنوچوونێ بۆ جهێ کۆنفرانسى بەرپرسیارە. 

پێشکێشکردن و پەیوەندی

بۆ هنارتنا کورتەیا ڤەکۆلینان و پرسیارێن زێدەتر: 

ئیمێل: [email protected]

تەلەفۆن: +964 (0) 750 804 3406

بۆ هویرکاریێن تمام یێن کۆنفرانسى، فایلان ب پێنج زمانان ل خوارێ ببینە: