سەرۆکێ زانکۆیا نەورۆز پشکداریێ د ڤەکرنا پێشانگەها وێنەیێن کوردستانێ دا دکەت
ل رۆژا شەمبیێ، ٧ێ چریا دوویێ ٢٠٢٦، ب ئامادەبوونا بەرێز ادریس نێچیرڤان بارزانی و سەرۆکێ زانکۆیا نەورۆز پ. هـ. د. مێڤان عارف عەبدولرەحمان و ئەندامێن جڤاتا زانکۆیێ، ل گەلەریا دهۆکێ پێشانگەها وێنەیێن کوردستانێ ب ناڤونیشانێ «ل ژێر ٢١ تیشکێن رۆژێ دا» هاتە ڤەکرن.
پێشانگەهـ ژ لایێ وێنەگرێ کورد هەرێم سێوەیسی ڤە هاتیە ئامادەکرن و ب رێکا وێنەیێن هونەری، جوانیا سروشتێ کوردستانێ و هەمەرەنگیا کەلتووری و ژیانا رۆژانە یا خەلکێ وێ نیشا ددەت. هەروەسا رۆناهیێ دئێخیتە سەر وان لایەنێن هەڤپشک یێن کو پێکهاتەیێن کوردستانێ پێکڤە گرێددەن، وەک جلوبەرگ، زمان، نەریت و تەلارسازی.
ئەڤ پێشانگەهـە پشکەکە ژ پرۆژەیەکێ کەلتووری یێ هەڤپشک د ناڤبەرا پەیمانگەها ستراتیژیێن نیشتمان و وێنەگر هەرێم سێوەیسی دا، کو بۆ چەند رۆژان ل گەلەریا دهۆکێ دێ بەردەوام بیت و دەرگەهێن خۆ بۆ سەرەدانکەر و حەزکریێن هونەر و کەلتوورێ کوردستانێ ڤەدکەت.