ب ئامادەبوونا سەرۆکێ زانکۆیێ.. زانکۆیا نەورۆز رێز ل خۆبەخشێن سالا خواندنێ ٢٠٢٥-٢٠٢٦ گرت

ب چاڤدێری و ئامادەبوونا پ. هـ. د. مێهڤان عارف عەبدولرەحمان، سەرۆکێ زانکۆیا نەورۆز، و ب پشکداریا هاریکارێ سەرۆکێ زانکۆیێ بۆ کاروبارێن زانستی، پ. د. موئەیەد ئەغالی میرزا، و راگرێن کۆلیژان، د رێورەسمەکێ تایبەت دا باوەرنامەیێن سوپاسی و رێزلێنانێ ل سەر وان خۆبەخشان هاتنە بەلاڤکرن یێن کو د سالا خواندنێ ٢٠٢٥-٢٠٢٦ دا کار کرین.

د رێورەسمان دا رێڤەبەرا ژێدەرێن مرۆڤی، کوردستان خەلیل ئیبراهیم، پەیڤەکا کورت پێشکێش کر و تێدا سوپاسیا ماندیبوون و دلسۆزیا خۆبەخشان کر بۆ ئەنجامدان و سەرکەفتنا چالاکیێن جودا یێن زانکۆیێ.

ل دویماهیا رێورەسمان، باوەرنامەیێن رێزلێنانێ ژ لایێ سەرۆکێ زانکۆیێ و هاریکارێ سەرۆکێ زانکۆیێ و راگرێن کۆلیژان ڤە ل سەر خۆبەخشان هاتنە بەلاڤکرن، وەک وەفاداریەک بۆ کار و چالاکیێن وان، و هیڤیا سەرکەفتنێ بۆ هەمیان خواست.