27 Oct 2026
Activity
زانکۆیا نەورۆز و کەمپینا Ecosia قووناغا ئێکێ یا هشیاریێ ل دۆر پاراستنا ژینگەهێ و چاندنا داران ب دووماهی ئینا
د چارچووڤەیێ کار و چالاکیێن بەردەوام یێن رێڤەبەریا تەندروستى و سلامەتیێ ب هەماهەنگى ل گەل کەمپینا Ecosiaیێ دا، زنجیرەیەکا روینشتنێن تایبەت ل دۆر مژارا چاندنا داران ل سەرانسەرى جیهانێ ب رێکا ئەپلیکەیشنەکا تایبەت بۆ ستافێ ئەکادیمیێ زانکۆیا نەورۆز هاتە رێکخستن. د روینشتنێن جوداجودا دا، ب هویرى قووناغێن چاوانیا کارکرن و چاندنا داران هاتنە شرۆڤەکرن. هەژیە بێژین، کو زانکۆیا نەورۆز پشتەڤانەکا سەرەکى یا پرۆژەیێ ناڤبریە و دێ قووناغ ب قووناغ ل گەل پرۆژەى بیت. جهێ ئاماژەپێدانێ یە، کو نوکە کار ل سەر رێکخستنا روینشتنا ل گەل قوتابیان دهێتەکرن و قوتابیێن زانکۆیا نەورۆز دێ رۆلەکێ گرنگ و سەرەکى د سەرئێخستنا پرۆژەیى دا گێرن.
روونشتنێن ناڤبرى ژ لایێ بەرێزان "مسعود أحمد، ئەمان عبدالوهاب، دونیا صباح و بەختیار زێبارى" هاتنە برێڤەبرن.