دانهنياسين
رێڤهبهريا كاروبارێن زانستى و خواندنا بلند، ب شێوهيهكێ راستهوخۆ ل ژێر سهرپهرشتيا هاريكارێ سهرۆكێ زانكۆيێ بۆ كاروبارێن زانستى و خواندنا بلند كاروبارێن خۆ ئهنجام ددهت.
ئارمانج
مسۆگهركرنا نايابيا ئهكاديمى ب رێكا گهشهپێدانا ستراتيژى يا بهرنامهيێن خواندنێ، برێڤهبرنا كارا يا ستافێ ئهكاديمى، پشتهڤانيا ڤهكۆلينێن زانستى و پابهندبوون ب رێنمايێن وهزارهتا خواندنا بلند و ڤهكۆلينێن زانستى، د ههمان دهم دا كاركرن بۆ داهێنان و گهشهپێدانا ئهكاديمى يا بهردهوام.
ئهرك و بهرپرسياريێن سهرهكى
دهركرنا رێنمايان
راهێنان
سهرپهرشتيكرن
راپۆرت
خزمهتكرنا قوتابيان
پشتهڤانيكرنا ستافێ ئهكاديمى
برێڤهبرنا زانياريان
ههماههنگى ل گهل كۆليژان
رێڤهبهريا كاروبارێن زانستى و خواندنا بلند، ناڤهندهكا سهرهكى يا ههماههنگيێ بۆ چالاكيێن ئهكاديمى يه ل زانكۆيێ. ئهركێن سهرهكى يێن رێڤهبهريێ پێكدهێن ژ: دهركرنا رێنمايان و بهرنامهيێن خواندنێ ل دويڤ ستانداردێن جيهانى، سهرپهرشتيا وهرگرتن و پێشڤهبرنا قوتابيێن خواندنا بلند، پشتگيريكرنا ستافێ ئهكاديمى د وارێ پلهبلندكرنێ و گهشهپێدانا پيشهيى دا. زێدهبارى ئهڤێ چهندێ، رێڤهبهرى ژ رێكخستنا چالاكيێن زانستى وهكو سمينار، كۆنفرانسان، برێڤهبرنا زانياريان، پابهندبوون ب رێنمايێن وهزارهتێ و ههماههنگيا ل گهل كۆليژان بهرپرسياره.
چالاكى و دهستكهفت
رێڤهبهريێ ل سالێن بوورى گهشهيهكا بهرچاڤ و كارا ژ لايێ كارگێرى ڤه بخۆڤه ديتى يه. گرنگترين دهستكهفتێن رێڤهبهريێ پێكدهێن ژ: بهردهستكرنا سيستهمهكێ نوو يێ ئهرشيڤكرنێ، بهێزكرنا ههماههنگيێ ل گهل وهزارهتا خواندنا بلند، پابهندبوون ب رێنمايێن وهزارى، و برێڤهبرنا مامهلهيێن پلهبلندكرنا زانستى بۆ ژمارهيهكا ديار يا مامۆستايان ل سهر ئاستێ زانكۆيێ.
ئارمانجێن پاشهرۆژێ
د پلانا رێڤهبهريێ دايه كو بهرنامهيێن نوو يێن خواندنا بلند و پشكێن زانستى يێن سهردهميانه ل زانكۆيێ زێده بكهت. ئهڤ بزاڤه دێ دهليڤهيێن باشتربوونا فێربوونێ بهردهست كهت و ئاستێ خواندنێ بهر ب پێشڤه بهت. ب مهرهما ئهوێ چهندێ، كو زانكۆيا نهورۆز ههر پێشهنگ بمينيت و وهكو ناڤهندهكا زانستى و ئهكاديمى ل دهڤهرێ.