سهنتهرێ راهێنانا پێداگۆجى و پهرهپێدانا ئهكاديمى
پێشهكى يا سهنتهرێ پێداگۆجى و پهرهپێدانا ئهكاديمى ل زانكۆيا نهورۆز، كو ل سالا 2019 ژ لايێ وهزارهتا خواندنا بلند و ڤهكۆلينێن زانستى ڤه هاته دامهزراندن.
سهرهكى/ سهنتهرێ راهێنانا پێداگۆجى و پهرهپێدانا ئهكاديمى
پێشهكى
سهنتهرێ راهێنانا پێداگۆجى و پهرهپێدانا ئهكاديمى ل زانكۆيا نهورۆز ل سالا 2019 ب سهرپهرشتيا وهزارهتا خواندنا بلند و ڤهكۆلينێن زانستى هاته دامهزراندن و خزمهتێ پێشكێشى ستافێ ئهكاديمى و دهرچوويێن خواندنا بلند دكهت.
ئهرك
ئهركێ مه بلندكرنا كاليتهيا وانهگۆتنێ يه، ب رێكا پێشئێخستنا شيانێن مامۆستايێن زانكۆيێ، ب نووترين ئالاڤێن ههڤچهرخ و زانستى د بياڤێ پێداگۆجيێ دا. كارامهيێن سهدهيێ بيستوئێكێ، بكارهينانا فێركرنا داهێنهرانه ياكو پشتهڤانيا فێربوونهكا كاريگهر، ئهكاديمى و وهرار پيشهيى ل ههمى پشكێن خواندنێ دكهت.
ئهرك و بهرپرسيارى
پێشئێخستنا سياسهتا كاركرنێ
راهێنان
چاڤدێرى
ڕاپۆرت
خزمهتكرنا قوتابيان
پشتهڤانيكرنا ستافى
ههماههنگى ل گهل كۆليژان
سهنتهرێ پێداگۆجيێ سهركردايهتيا پێشئێخستنا كارێ زانكۆيێ دكهت، ب ديزاينكرن و گههاندنا بهرنامهيێن راهێنانا پێداگۆجى يێن كو ل گهل ستانداردێن ئهكاديمى يێن ل دهڤهرێ ههين، دگونجن.
دهستكهفت يان چالاكيێن سهرهكى
ل سالا 2019 سهنتهرى ستافێ ئهكاديمى بهرههڤ كر و چهندين خۆلێن راهێنانێ ڤهكرن بۆ خودانێن باوهرنامهيێن بلند يێن حهزا ب دهستڤهئينانا ناسناڤێ زانستى ههى. ل دويڤ را مۆديۆلێن راهێنانێ بهرفرههـ كرن، وهكو وانهگۆتنا ديجيتالى و بهێزكرنا گهشهپێدانا پيشهيى ل زانكۆيا نهورۆز. ههروهسا ستافێ سهنتهرى پشكدارى د ووركشۆپ و كۆنفرانسێن زانست دا كر، يێن كو ژ لايێ وهزارهتا خواندنا بلند و ڤهكۆلينێن زانستى ڤه هاتينه ڤهكرن، ههروهسا ڤهكۆلين ب ئارمانجا پێشئێخستنا بهرنامهيێن خواندنێ بۆ راهێنانا پێداگۆجيێ ل ههرێما كوردستانێ ئهنجام دان.
ئارمانجێن پاشهرۆژێ
ئارمانجێن سهنتهرى نووكرنا بهرنامهيێن تهكنۆلۆژيايا پهروهردهيى يێن پێشكهفتى، بهرفرههكرنا راهێنانێ د ناڤبهرا زانستان دا و بهێزكرنا پێداگۆجيێ ل سهر بنهمايێ ڤهكۆلينانه. ههروهسا سهنتهرى پلانا ههماههنگى و ههڤكاريێ ل گهل سازيێن ناڤخۆيى و ناڤدهولهتى بۆ بلندكرنا كاليتهيا وانهگۆتنێ و پشتهڤانيكرنا پێشئێخستنا ئهكاديمى يا بهردهوام ل زانكۆيا نهورۆز ههيه.