مێژوو

زانکۆیا نەورۆز (NU) ل سالا ٢٠٠٤ وەکو ئێکەم زانکۆیا کەرتێ تایبەت ل هەرێما کوردستانا عیراقێ هاتە دامەزراندن، و وەرچەرخانەکا گرنگ د پێڤاژۆیا پێشئێخستنا خواندنا بلند دا ل دەڤەرێ په‌يدا كر. زانکۆيێ ب دیتنەکا روهن بۆ دابینکرنا خواندنەکا نایاب و پشکداریکرنێ د پێشئێخستنا جڤاکی دا دەست پێ کر، کو ل ده‌ستپێكێ ب ژمارەکا سنووردار ژ پرۆگرامێن ئەکادیمی و پێگیریەکا بهێز ب نایاببوونا زانستی دەست ب کار بوو.

ب درێژاهیا سالان، زانکۆیا نەورۆز ب ئاوایەکێ بەردەوام پرۆگرامێن خۆ یێن ئەکادیمی، ژێرخان و شیانێن خۆ یێن ده‌زگه‌هى بەرفرەهتر کرن، داکو د گەل پێدڤیێن جڤاکی و پیشەیی یێن جیهانا ئەڤرۆ بگونجیت. ب رێکا گەشەپێدانا بەردەوام، زانکۆ بوویە سازيه‌كا خواندنا بلند یا خودان رێز کو خزمەتا قوتابیێن هەرێما کوردستانێ و عیراقێ و بيانيان دکەت.

ب درێژاهیا دیرۆکا خۆ، زانکۆیا نەورۆز پێگیرە ب بەلاڤکرنا زانستى، هشێ رەخنەیی، داهێنانێ و خزمەتکرنا جڤاکی. زانکۆیێ ب بەردەوامی وەبەرهێنان د باشترکرنا ژینگەها فێربوونێ و گەشەپێدانا چالاکیێن ڤەکۆلینێ و بلندکرنا کوالێتیا ئەکادیمی دا کریە، ب جۆرەکێ کو د گەل ستانداردێن نشتیمانی و ناڤدەولەتی بگونجیت.

قووناغەکا گرنگ د گەشەپێدانا زانکۆیێ دا بەرفرەهبوونا پێکهاتەیا وێ یا ئەکادیمی بۆ حەفت کۆلیژان بوو، کو نێزیکی ٢٤ پرۆگرامێن ئەکادیمی د وارێن جوداجودا دا پێشکێش دکەت. ئەڤ وه‌رارا بەردەوام نیشانا دلسۆزیا زانکۆیێ بۆ دابینکرنا دەلیڤەیێن پەروەردەیی یێن جودا و بەرهەڤکرنا دەرچوویانه‌ بۆ دابینکرنا پێدڤیێن جیهانا ئەڤرۆ کو ب لەز د گوهۆرینێ دایە.

ل سالێن دووماهیێ، زانکۆیا نەورۆز پێگەهێ خۆ یێ ئەکادیمی ب هێزتر کریە ب رێکا بکارئینانا رێبازێن نوی یێن پەروەردەیی، و بجهئینانا سیستەمێن دلنیایا جۆری و پرۆسەیا بۆلۆنیا. هەروەسا زانکۆیێ پەیوەندیێن خۆ د گەل هەڤپشکێن ناڤخۆیى و ناڤدەولەتی بەرفرەهتر کرینە، ژ پێخەمەت ب هێزکرنا هەڤکاریێن ئەکادیمی و ڤەکۆلینێن زانستی.

ئەڤرۆ پتر ژ ١٢,٠٠٠ دەرچوویان و زێده‌تر ژ بیست سالان ژ ئەزموونا ئەکادیمی، زانکۆیا نەورۆز بەردەوامە ل سەر ئاڤاکرنا ناڤودەنگێ خۆ وەکو سازیەکا پێشەنگ د خواندنا بلند دا. ب پشتبەستن ب بهایێن نایاببوون، دەستپاکی، داهێنان و خزمەتکرنێ. زانکۆ یا رژدە ل سەر ئاڤاکرنا بەرەبابێن پاشەرۆژێ و پشکداریکردنێ د گەشەپێدانا بەردەوام دا ل هەرێما کوردستانێ، عیراقێ، و ل سەر ئاستێ جیهانێ ژی.