Overview

زانکۆیا نەورۆز (NU) ئێکەمين زانکۆیا کەرتێ تایبەتە ل هەرێما کوردستانا عیراقێ هاتیە دامەزراندن. هه‌ر ژ ده‌مێ دامه‌زراندنێ وێ ل سالا ٢٠٠٤، زانکۆیا نەورۆز پێگيرى ب دابینکرنا خواندنەکا بلند یا ب کوالێتى و پشکداریکرن د گەشەپێدانا ئه‌كاديمى دا ل هه‌مى بياڤێن ژيانێ كريه‌.

ب درێژاهیا پتر ژ ٢٠ سالان، زانکۆیا نەورۆز گەشە کریە و بوویە سازيه‌كا ئەکادیمی یا چالاک کو رەسەنى و داهێنانێ پێشكێش دكه‌ت. نوکە ل زانکۆ ٢٤ پرۆگرامێن ئەکادیمی د ناڤ حەفت کۆلیژان دا ل به‌رده‌ستن، و خزمەتا قوتابیێن پارێزگەهێن هەرێما کوردستانێ، عیراقێ و وه‌لاتێن بيانى دکەت.

زانکۆیا نەورۆز یا رژدە ل سەر نایاببوونا ئەکادیمی، ڤەکۆلینێن زانستی و هەماهەنگیا جڤاکی. ب رێکا بکارئینانا رێبازێن سەردەمیانە یێن وانەگۆتنێ، بلندکرنا بەردەوام یا ئاستێ کوالێتێ و بجهئینانا بنەمایێن "پرۆسەیا بۆلۆنیا"، زانکۆ بزاڤێ دكه‌ت كو ئەزموونەکا پەروەردەيى دابین بکەت و دەرچوویان بۆ بەرهنگاربوونا ئالنگاریێن جیهانا ئەڤرۆ یا پێکڤە گرێدای بەرهەڤ بکەت.

زێدەباری به‌رنامه‌يێن ئەکادیمی، زانکۆ ب رێکا کۆمەکا سەنتەرێن ئەکادیمی و پیشەیی پشتەڤانیا قوتابیان و جڤاکی دکەت، کو کارى بۆ هاندانا ڤەکۆلینان، راهێنانان، گەشەپێدانا کارامەیێن پیشەیی و خزمەتکرنا جڤاکی دكه‌ن.

ب هەبوونا پتر ژ ١٢,٠٠٠ دەرچوویان، زانکۆیا نەورۆز يا بەردەوامە ل سەر بهێزکرنا هەڤپشکیێن خۆ یێن نشتیمانی و ناڤدەولەتی، و گەشەپێدانا داهێنانێ و پشکداریکرنێ د ئاڤاکرنا جڤاکەکێ دا ل سەر بنەمایێ زانینێ.