مێژوو

بەشێ ئەندازیاریا نەرمەکاڵا ل زانکۆیا نەورۆز ل ساڵا ٢٠٢٣ێ دا هاتە دامەزراندن وەک یەکەیەكا ئەکادیمی یا پێشەنگ و خودان ڕوانگەکا بەرهەڤبووی بۆ داهاتووی کو یا تەرخانکری بوو بۆ خواندنا تەکنەلۆجیایا مۆدێرن.

د ساڵا ٢٠٢٥ێ دا، ناڤێ وی هاتە گوهۆڕین بۆ بەشێ ئەندازیاریا نەرمەکاڵا و ژیرییا دەستکرد دا کو ڕەنگڤەدانا سەرنجا وی یا بەرفرەهـ بیت ل سەر تێکەڵکرنا ڤان هەردوو بوارێن گۆڕانکاریخواز.

ئەڤ تێکەڵکرنە بنەمایەکێ بهێز بۆ تەکنەلۆجیایا مۆدێرن چێکەت، کو تێدا ئەندازیاریا نەرمەکاڵا ڕێبازێن ڕێکخستی و بنەمایێن ئەندازیاری یێن پێتڤی بۆ دیزاینکرن، ئاڤاکرن، و پاراستنا سیستمێن نەرمەکاڵا یێن باوەرپێکری دابین دکەت، د هەمان دەم دا ژیرییا دەستکرد شیانێن زیرەک زێدە دکەت یێن کو دەرفەتێ ددەنە ئامێران کو فێرببن، بهزرن (بۆچوونان بدەن)، و بڕیاران بدەن. ئەڤ بوارە پێکڤە ڕێیا چێکرنا بەرنامە و ئەپلیکەیشنێن پێشکەفتی دکەنە ڤە، وەک سیستمێن نەرمەکاڵا یێن زیرەک، چارەسەریێن سەربەخۆ (ئۆتۆنۆمۆس)، کەرەستێن زیرەک یێن شلوڤەکرنا داتایان، و تەکنەلۆجیایێن داهێنەر یێن کو بەرسڤا ئاستەنگێن ڕاستەقینە یێن جیهانێ د ناڤبەر پیشەسازیێن جودا جودا دا ددەن.

ب ڕێکا پێشکێشکرنا پڕۆگرامەکێ چوار ساڵی یێ باوەرنامەیا بەکالۆریۆس کو ب زمانێ ئینگلیزی دهێتە گۆتنەوەر، بەش دەرچوویێن پشکا زانستی یێن قوتابخانێن ئامادەیی وەردگێڕیت، و وان ب وان شارەزاییان چەکدار دکەت یێن پێتڤی بۆ ڕێبەریکردنا پێشکەفتنا تەکنەلۆجی.