زانکۆیا نەورۆز و کۆمپانیا Four Bridge بەحسێ ئاڤاکرنا کۆلیژ و ئاڤاهیێن نوى کر

ل رۆژا چارشەمبێ رێکەفتى (16/9/2026) سەرۆکێ زانکۆیا نەورۆز پ. هـ. د. مێڤان عارف عەبدولرەحمان، پێشوازى ل شاندەکێ کۆمپانیا (Four Bridge) یا بیناسازى و ئاڤاکرنێ ب سەرۆکاتیا ئەندازیار مسلم بارزانى کر. د روینشتنەکێ دا، سەرۆکێ زانکۆیا بخێرهاتنا شاندێ ناڤبرى کر و ئاماژە ب پلان و بەرنامەیێ ئاڤاکرن و نویژەنکرنا زانکۆیێ بۆ سالا خواندنێ (2026-2027) دا، کو د پلان و بەرنامەیێ زانکۆیێ دایە، چەندین ئاڤاهیێن نوو بهێنە چێکرن و هندەکێن دى ژى بهێنە نویژەنکرن. ژ لایێ خۆ ڤە شاندێ کۆمپانیێ ئامادەییا خۆ بۆ ئەنجامدانا کارى ب باشترین شێوە ل گەل زانکۆیێ راگەهاند. 

هەروەسا سەرۆکێ زانکۆیێ ب هویرى بەحسێ بەرفرەهکرنا ژێرخانەیا زانکۆیێ کر، ب تایبەتى چێکرنا ئاڤاهیێن نوى بۆ کۆلیژ و پشکێن پزیشکى، ب تایبەتى کۆلیژا پزیشکیا ددانان و کۆلیژان دەرمانسازیێ و پشکا شڕۆڤەکرنا نەخۆشییان