دانهنياسين
رێڤهبهريا ژێدهرێن مرۆڤى پشتهڤانيا ستافێ زانكۆيێ دكهت ب رێكا برێڤهبرنا پرۆسهيێن دامهزراندنێ، پاراستنا تۆمارێن فهرمانبهران و پێشكێشكرنا خزمهتێن كارگێرى. ئهڤ رێڤهبهريه ل ژێر چاڤدێريا نڤيسينگهها هاريكارێ سهرۆكێ زانكۆيێ بۆ كاروبارێن كارگێرى، دارايى و قوتابيان كار دكهت.
پهيام
رێڤهبهريا ژێدهرێن مرۆڤى كارى ل سهر پێشكێشكرنا خزمهتێن پيشهيى، رۆهن و پاپهند ب رێنمايێن ياسايى دكهت. ب مهرهما بلندكرنا ئاستێ كاركرنا ستافى و بهێزكرنا شيانێن زانكۆيێ. رێڤهبهرى ههول ددهت ژينگهههكا كارى يا ئهرێنى دابين بكهت، كو ل گهل ئاراستهيێن ستراتيژى و پێدڤيێن كارگێرى يێن زانكۆيا نهورۆز بگونجيت.
جێبجێكرن و پێشئێخستنا رێنمايان
راهێنان
ئامادهكرنا راپۆرتان
خزمهتكرنا قوتابيان
پشتهڤانيكرنا ستافى
برێڤهبرنا زانياريان
ههماههنگى ل گهل كۆليژان
ئهركێن رێڤهبهريا ژێدهرێن مرۆڤى
رێڤهبهرى كاروبارێن ستافێ ئهكاديمى و كارگێرى برێڤهدبهت، وهكو رێنمايێن كارى، سهرپهرشتيكرنا پرۆسهيا دامهزراندنێ، پاراستنا تۆماران، رێكخستنا مووچهى، ئامادهبوون، پلهبلندكرن، ههلسهنگاندن و نويكرنا گرێبهستان.
رێڤهبهرى ژ دانانا پلانا هێزا كارى و پشتراستبوون ژ جێبجێكرنا ياسايێن كارى، دهستهبهريا جڤاكى، باج و رێنمايێن زانكۆيێ بهرپرسياره. ههروهسا راپۆرتان پێشكێشى هاريكارێ سهرۆكێ زانكۆيێ بۆ كاروبارێن كارگێرى، دارايى و قوتابيان دكهت. د ههمان دهمدا، ههماههنگيێ ل گهل كۆليژان دكهت ب ئارمانجا چارهكرنا ئاريشهيێن ستافى، ڤهكرنا خۆلێن راهێنانێ، رێكخستنا كاروبارێن خۆبهخشان و دابينكرنا ژينگهههكا كارى يا بهرههمدار.
ئارمانجێن پاشهرۆژێ
رێڤهبهرى كارى ل سهر بهرفرههكرنا خزمهتێن ديجيتالى و بهێزكرنا بهرنامهيێن پێشئێخستنا شيانێن ستافى دكهت، ل گهل باشتركرنا ههماههنگيێ د گهل پشكێن كارگێرى و ئهكاديمى دا. د پلانێن رێڤهبهريێ دايه كو پرۆسهيا بودجهيا ژێدهرێن مرۆڤى پێشبئێخيت، ئاستێ زانياريان بلند بكهت، و پشتهڤانيا رێكارێن دروست يێن باجێ بكهت. زێدهربارى ئهڤێ چهندێ، كارى ل سهر باشتركرنا برێڤهبرنا كاروبارێن خۆبهخشان و دانانا ستراتيژيێن دومدرێژ بۆ پلاندانانا هێزا كارى دكهت.